“မင်္ဂလာပါရှင်။ ကျွန်မ တင်သူဇာမောင်ပါ။ ယခုလို ဘုရားသခင်ရဲ့ကောင်းမြတ်ကြောင်းကို သက်သေခံဖို့
ရန်အတွက် ဤအချိန်နာရီ အခွင့်အခါကောင်းကိုပြင်ဆင်ပေးတဲ့ ဘုရားသခင်ကို အထူးပဲကျေးဇူးတင်ရှိပါ

တယ်။ အဖဘုရားသခင်ရဲ့ဘုန်းတော် ပိုမိုသာ၍ကြီးမြတ်ပါစေ။”

ကျွန်မကငယ်စဉ်တုန်းကထဲက ဘုရားသခင်တည်ရှိနေတာကို ကျွန်မရဲ့မိဘ တွေကနေမှ တဆင့်သိရှိခဲ့ရပါတယ်။ သူကကျွန်မကိုဖန်ဆင်းတယ်။ ဒီကမ္ဘာပေါ်မှာရှိတဲ့သက်ရှိ၊ သက်မဲ့ အရာအားလုံးကို သူဖန်ဆင်းတယ်၊ သူအုပ်စိုးတယ်၊ သူပိုင်ဆိုင်တယ်ဆိုပြီးတော့ဘုရားသခင်အကြောင်းကိုစတင်သိရှိခဲ့ရပါတယ်။ အဲ့ဒီကနေမှတစ်ဆင့် ကျွန်မအရွယ်ရောက် လာတဲ့အခါမှာဘုရားသခင်ကျွန်မတို့အတွက်နေ့စဉ်လိုက်နာရမည့်စည်းကမ်းချက်တွေ၊ ရှောင်ကျဉ်ရမယ့်စည်းကမ်းချက်ေ

အဲ့ဒီအချိန်မှာကျွန်မဘုရားသခင်ရဲ့အကြောင်းကိုဘယ်လိုသိရှိလာလဲဆိုတော့ဘုရားသခင်ဟာအရမ်းကိုစည်းကမ်းကြီးတယ်၊ အရမ်းကိုကြီးကျယ်မြင့်မြတ်တယ်၊ အာဏာကြီးတယ်၊ သန့်ရှင်းစင်ကြယ်တယ်။ သူဟာကျွန်မတို့နှင့်မတူညီဘဲ သပ်သပ် တည်ရှိနေတယ်။သူ့ကို နေ့စဉ်နဲ့အမျှပူဇော်ကိုးကွယ်ရမယ်၊ ကြောက်ရွံ့
ရိုသေရမယ်။ကျွန်မသူ့ကိုဘယ်လောက်ထိတောင်ကြောက်ရွံ့ရိုသေခဲ့သလဲဆိုရင် “အလ္လာ” ဆိုတဲ့ နာမ်စားမှတစ်ပါး အခြားသောနာမ်စား၊ ဘယ်အမည်နာမကိုမှမသုံးစွဲရဲခဲ့ဘူး။ အဲ့ဒီ့လောက်ထိတောင်ကျွန်မကြောက်ရွံ့ခဲ့တယ်။

 

အဲ့ဒီ့နောက်ကျွန်မစဉ်းစားလာသောအခါမှာ၊ ဘယ်အရာကိုစဉ်းစားမိလဲဆိုတော့၊ ဘုရားသခင်ကဤကမ္ဘာလောကကို ဖန်ဆင်းတယ်၊ ထို့နောက်ကျွန်မတို့ဟာ
ရောက်လာကြတယ်။ ကျွန်မတို့တစ်တွေအရွယ်ရောက်လာတဲ့အခါမှာ စားဝတ်နေရေး၊ရှင်သန်ရပ်တည်ရေး၊ထိုသို့သောကိစ္စအထွေထွေနှင့်ဒုက္ခအခက်အခဲမျိုးစုံ နေ့စဉ်နှင့်အမျှရင်ဆိုင်ကြုံတွေ့ရတယ်။ အဲ့ဒီအခါမှာ ကျွန်မတို့ရဲ့စိတ်တွေက လောဘ၊ ဒေါသ၊ မောဟ၊ မာနဆိုတဲ့ စိတ်တွေ လွှမ်းမိုးအုပ်စိုးလာပြီး အပြစ်တွေကိုကျူးလွန်မိလာကြတယ်။ ဒီတော့ ကျွန်မစဉ်းစားတယ်။ ယခုဆိုရင် ကမ္ဘာမြေပေါ်မှာလူပေါင်း ၇.၃ဘီလီယံ ကျော် ရှိလာပြီ။ ထိုလူတွေထဲမှာ အပြစ်နဲ့ လွတ်ကင်းတဲ့လူဘယ်နှစ်ယောက်များရှိနိုင်မလဲ? ကျွန်မတို့ဟာ ကာယကံ၊ ဝစီကံ ဆိုတဲ့ ကံနှစ်ပါးကို မကျူးလွန်ခဲ့ရင်တောင်မှ မနောကံဆိုတဲ့ ကံကိုစိတ်နဲ့ အချိန်တိုင်းမှာ

ကျးလွန်မိနိုင်ကြတာပါ။ ကျွန်မအတွက်တော့ ယခုလိုနေ့စဉ်နှင့်အမျှကျူးလွန်မိနိုင်တဲ့အပြစ်အပြင်၊ ကျွန်မရဲ့ ယုံကြည်ကိုးကွယ်မှုအရ ဘုရားသခင်ချမှတ်ထားတဲ့ နေ့စဉ်လိုက်နာဆောင်ရွက်ရမည့် – ဘုရားငါးကြိမ်ရှိခိုးခြင်း (5 Prayer) နှင့် အခြားသောစည်းကမ်းချက်များကို အကြောင်းပြချက်အမျိုးမျိုးကြောင့် မလိုက်နာ

မဆောင်ရွက်ခဲ့ဘူးဆိုသော် ထိုအတွက်လည်း ကျွန်မမှာ အပြစ်ရှိပါသေးတယ်။

 

 အဲ့ဒီတော့ကျွန်မဟာဤလောကကြီးမှာဖြတ်သန်းနေထိုင်းစဉ်အတွင်းဘယ်လောက်ပင်လိုချင်တာတွေရရ၊ ပျော်ရွှင်မှုတွေနဲ့
ကြုံတွေ့နေပါစေ၊ ကျွန်မအသက်သေဆုံးသွားပြီးတဲ့အခါမှာ ကျွန်မယုံကြည်ခဲ့ရတဲ့ ဘုရားသခင်က ဒီအပြစ်တွေအတွက် ကျွန်မကိုသူစီရင်မယ်။အပြစ်ပေးမယ်လို့စဉ်းစားမိတိုင်းမှာကျွန်မဝမ်းနည်းခဲ့ရတယ်။စိတ်မကောင်းဖြစ်ခဲ့ရတယ်။ ပျော်ရွှင်စရာတွေလည်း တွေ့ကြုံလဲခဏတာပါပဲ။ကျွန်မသေဆုံးသွားပြီး ဖြစ်ပျက်မှာတွေကို တွေးတောတိုင်းစိတ်ထဲမှာမငြိမ်းချမ်းခဲ့ဘူး။ အမြဲလိုလိုစိုးရိမ်ပူပန်ခဲ့ရတယ်။ ထို့အပြင် ကျွန်မ ဘုရားသခင်တည်ရှိနေတာကို သံသယရှိခဲ့တယ်။ သူဟာ တစ်
ကယ်ကောတည်ရှိနေတာလား? ဘာဖြစ်လို့လဲဆိုတော့လူဆိုတာ မြင်ရတဲ့အရာကိုပဲ ယုံကြည်လက်ခံချင်တယ် (Seeing is Believing). အခုဟာက မြင်လဲမမြင်ရဘူး။ပိုဆိုးတာကကျွန်မဟာသူနဲ့ပက်သပ်ပြီး ကြောက်ရွံ့ရတဲ့ခံစားချက် အပြင်ဘာ ခံစားချက်မှမရှိတဲ့အခါမှာသူတကယ်ကောတည်ရှိနေပါ့မလားလို့သံသယဖြစ်ခဲ့တယ်။ခုံလေးတစ်ခုတောင်မှ သူ့ကိုဆောက်လုပ်တဲ့လက်သမားဆရာမရှိပဲနှင့် ဒီခုံလေးဟာဖြစ်လာမှာမဟုတ်သလို ဤကမ္ဘာလောကကြီးဟာလည်း ဖန်ဆင်းရှင်ဘုရားသခင်မရှိဘဲနှင့်ဖြစ်လာမှာမဟုတ်ဖူးဆိုတဲ့ အတွေးကလည်းဝင်ပြန်တယ်။

ကျွန်မစိတ်ထဲမှာ အမြဲလိုလို ဘုရားသခင်ရှိလိုက်၊ မရှိလိုက်နဲ့ ရှုပ်ထွေးနေခဲ့တယ်။ နောက်ဆုံးမှာ တော့ကျွန်မ ယုံကြည်ကိုးကွယ်မှုဟာ ကျွန်မတို့မိသားစု

ဘိုးစဉ်ဘောင်ဆက်ကိုးကွယ်ယုံကြည်လာတဲ့အယူဝါဒပဲ လို့စိတ်ပိုင်းဖြတ်လိုက်တယ်။ ပြန်စဉ်းစားကြည့်တော့လည်း ကျွန်မတို့ဟာ ဘုရားသခင်ကိုပူဇော်ကိုးကွယ်တဲ့အခါမှာ လူတိုင်းဟာတစ်နေရာတည်းကိုဦးတည်ပြီးပူဇော်ကိုးကွယ်ကြတယ်၊ အမျိုးသားတွေက အရေပြားလှီးမင်္ဂလာပြုတာတို့ “ဟာလာသား” စားတာတို့
သေဆုံးပြီးတဲ့နောက်မှာ ဘယ်လောက်ပဲ ဆင်ယင်တန်စာတွေကွဲပြားခြားနားနေပါစေ၊ လူတိုင်းလူတိုင်းဟာ တစ်ပြေးညီထဲမြှုပ်နှံရတာတွေဟာ အရမ်း

Unit ဖြစ်တယ်၊  Systematic ကျတယ်ဆိုပြီး စဉ်းစားခဲ့တယ်။ ကျွန်မရဲ့ယုံကြည်ကိုးကွယ်မှုဘာသာဘောင်လေးထဲမှာပဲနေခဲ့ပြီး ဒါတွေအားလုံးဟာကျွန်မတို့ရဲ့ကိုယ်ပိုင်ယုံကြည်မှုလို့ပဲစဉ်းစားရင်း ကျေနပ်ခဲ့တယ်။ ကျွန်မတို့ မိဘက ဒီအယူဝါဒမှာရှိနေရင် သားစဉ်မြေးဆက်ဟာလဲ အလိုအလျောက်ဒီအယူဝါဒကိုပဲလက်ခံသွားကြတာပါပဲ။ဒီဘောင်ထဲကနေအပြင်ထွက်ပြီးအခြားအယူဝါဒတစ်ခုကို လေ့လာစူးစမ်းဖို့ဆိုတာအရမ်းကိုပဲခဲယဉ်းပါတယ်။ကျွန်မထင်ပါတယ်၉၀ရာ
ခိုင်နှု န်းကျော်လောက်ဟာဒီအတိုင်းပဲသွားနေကြတာပဲလေ။ Unit ကျမှုတို့၊ Systematic ကျမှုတို့ဆိုတာလည်း ဓမ္မဟောင်းမှာကျန်ခဲ့ပြီ။ ဘုရားသခင်ဟာ ဒါတွေအားလုံးကိုခရစ်တော်အားဖြင့် ရွေးနှုတ်သွားခဲ့ပြီဆိုတာကို ကျွန်မ မသိခဲ့ရဖူး။ ကိုယ့်ရဲ့အယူဝါဒကိုပဲ ကျွန်မလက်ခံပြီး ဂုဏ်ယူခဲ့တယ်။

ကျွန်မခရစ်တော်ကို ပရောဖတ် တစ်ပါးအဖြစ်သိရှိခဲ့ပါတယ်။ လွန်ခဲ့သော ဖေဖေါ်ဝါရီလ မှာသူဟာ အပျိုကညာဝမ်းတွင်းမှဖွားမြင်လာတယ်။ သူဟာသေဆုံး

သွားပြီး သုံးရက်မြောက်နေ့မှ တစ်ဖန်ပြန်လည်ရှင်သန်ထမြောက်တယ်။ရက်ပေါင်း၄၀သူ့ရဲ့တပည့်တော်တွေနှင့်တကွနေခဲ့ပြီး ကောင်းကင်ဘုရားသခင်ဆီပြန်သွားခဲ့တယ်လို့ သိခဲ့ရတယ်။ ထိုအခါ ကျွန်မရင်ထဲမှာ အရမ်းပဲထူးဆန်းနေတယ်။ ထိုသို့သောအံ့ဖွယ်အဖြစ်အပျက်တွေနဲ့ ကျွန်မသူ့ကိုစတင်သိကျွမ်းခဲ့ရတယ်။

ထို့နောက် ဖေဖေါ်ဝါရီလ ၂၆ရက် ကြာသာပတေးနေ့မှာ ကျွန်မစိတ်အနှောက်အယှက်လေးတွေ့ကြုံနေတယ်။ ကျွန်မမိတ်ဆွေက တရားပွဲလေးတစ်ခုသွားစရာရှိတယ်။ စိတ်ပြေလက်ပျောက်လိုက်ခဲ့ပါဆိုလို့ ကျွန်မလိုက်သွားခဲ့တယ်။ ဘုရားသခင်ကကျွန်မတို့ကိုအရမ်းချစ်တယ်၊ ဘုရားသခင်ကကြောက်ဖို့မဟုတ်ဘူး၊ ကျွန်မတို့လဲသူ့ကိုချစ်ရမယ်လို့ လမ်းတစ်လျှောက်လုံးကျွန်မကိုပြောပြတဲ့အခါမှာကျွန်မစိတ်ထဲမှာနွေးထွေးပြီးဘာမှန်းမသိတဲ့စွန်းအားလေးတစ်ခုရရှိခဲ့

 ထိုတရားပွဲမှာလည်း တရားဟောဆရာက ကျွန်မငယ်ငယ်ထဲက ဘုရားသခင်ကိုသံသယဖြစ်နေတဲ့ အကြောင်းအရာလေးတစ်ခုကို ကျမ်းအကိုးအကားနဲ့ပြောသွားတဲ့အခါမှာ ကျွန်မစိတ်ထဲမှာကျေနပ်အားရမိတယ်။ ထိုနေ့ညမှာ ကျွန်မ မအိပ်ခင်ဘုရားသခင်ထံမှာ ယခင်ဆုတောင်းသည့်ပုံမှခွဲထွက်ပြီး
“ဘုရား သမီးဟာ ခရစ်တော်ရဲ့အကြောင်းကို စတင်ပြီးတော့သိရှိလာပြီ၊ ဒီတော့သမီးရဲ့အသက်ဝိညာဉ်ကိုနှုတ်သိမ်းသွားပြီးတဲ့အခါမှာ သမီးဟာဘုရားသခင်ဆီကို ခရစ်တော်ကနေမှတစ်ဆင့်ရောက်မယ်ဆိုရင် ခရစ်တော်နှင့်ပိုမိုနီးစပ်ခွင့်ပေးပါ။ မဟုတ်ဘူးဆိုရင်တော့ဝေးကွာပါ”
လို့ ခရစ်တော်ရဲ့နာမကိုသုံးပြီး ရင်းရင်းနှီးနှီးဆုတောင်းခဲ့တယ်။ ဘာဖြစ်လို့လဲဆိုတော့ အဓိက ဦးတည်ချက်ကိုစဉ်းစားကြည့်ပါ။ ကျွန်မတို့ဟာ ဤကမ္ဘာလောကအပေါ်မှာ ပညာတွေ၊ စီးပွားတွေကို ဘယ်လောက်ပဲရှာရှာခဲ့ ဒါတွေဟာတစ်ချိန်မှာကျွန်မတို့ထားသွားရမှာ။ ဒါတွေဟာကျွန်မတို့ရဲ့ အဓိကဟာတွေမဟုတ်ဘူး။ ကျွန်မတို့စွန့်ခွားသွားပြီးနောက်မှာ ဘယ်ကိုရောက်မလဲ? ဘာဖြစ်မလဲ? ဆိုတာကမှ အဓိကကျတယ်လို့ကျွန်မယူဆတယ်။

ဒါကြောင့် အဲဒီအရာကိုဘယ်သူအာမခံချက်ပေးနိုင်သလဲ ကျွန်မရှာဖွေခဲ့တယ်။ အဲဒီအရာကိုပဲ အဓိကထားပြီး ကျွန်မဘုရားသခင်ထံမှာဆုတောင်းခဲ့တယ်။ ထိုနေ့ည၊ ကျွန်မနှစ်နှစ်ခြိုက်ခြိုက် အိပ်မောကျနေတဲ့အချိန်မှာ ကျွန်မကိုယ်ပေါ်အလင်းတန်းတစ်ခုဟာဖြာကျလာတယ်။ ပြီးတော့ အဲဒီအလင်းတန်းက ကျွန်မကိုဆွဲယူလိုက်တဲ့အချိန်မှာ ကျွန်မငုပ်တုတ် ထထိုင်လျက်ဖြစ်နေတယ်။ ထိုအိပ်မက်ကလေးဟာ ကြက်သိမ်းထလောက်သည်ထိအောင်ကျွန်မအတွက်ထူးဆန်းနေခဲ့တယ်။ကျွန်မဘဝတစ်လျှောက်အိပ်မက်ပေါင်းများစွာထဲမှာမှ စွဲစွဲမြဲမြဲ ထထိုင်ရလောက်တဲ့အထိ ဖြစ်ပျက်တဲ့အိပ်မက်မျိုးမတွေ့ကြုံခဲ့ဖူးပါဘူး။  နောက်ပိုင်းမှာ ကျွန်မ
ခရစ်တော်ရဲ့ နာမကိုသုံးပြီး ရင်းရင်းနှီးနှီးဆုတောင်းကြည့်တယ်။ စကားတွေပြောကြည့်ခဲ့တယ်။

နောက်တစ်ခါ ၂၀၁၅၊ မတ်လ၊ ၁၃ရက် တရားပွဲလေးတစ်ခုမှာ တရားဟောနေစဉ် အားလုံးအသံကုန်ဟစ်ပြီးဆုတောင်းနေတဲ့အချိန်မှာ ကျွန်မတစ်ကိုယ်လုံး
ချွေးတွေနစ်ပြီး မျက်ရည်တဖြိုင်ဖြိုင် ကျရလောက်တဲ့အထိ တစ်ခါမှမခံစားဖူးတဲ့ခံစားချက်တွေ ခံစားလာရတယ်။ အဲ့နောက် ကျွန်မစိတ်ထဲမှာ အရမ်းကိုလွတ်
လပ်ပေါ့ပါးသွားတယ်။ နောက်ပိုင်း ကျွန်မခရစ်တော်အကြောင်းကိုပိုသိချင်လာတဲ့အခါ ဘုရားကျောင်းကိုအပတ်တိုင်းသွားဖြစ်တယ်။ခရစ်တော်အကြောင်းကိုပိုနားထောင်ချင်လာတယ်။တဖြည်းဖြည်းကျွန်မကိုယ်တိုင်က ခရစ်တော်နောက်လိုက်မှန်းမသိလိုက်သွားခဲ့တာ။ ခရစ်တော်က ဘုရားသခင်ဆီကိုဆွဲဆွဲခေါ်သွားခဲ့တာ။ ဒါပေမယ့် ကျွန်မမှာ ငယ်ငယ်ထဲက ယုံကြည်လာခဲ့တဲ့ အယူဝါဒက စိတ်ထဲမှာ စွဲနေတော့ တစ်ခါတစ်လေမှာ စိတ်ထဲအမြဲတမ်းရှုပ်ထွေးခဲ့တယ်။ ထိုမှတစ်
ဆင့် ကျွန်မခရစ်တော်ကို အသက်ဝိညာဉ်ထာဝရအသက်ကိုပေးမယ့် ကယ်တင်ပိုင်ရှင်အဖြစ်ကျွန်မစိတ်ထဲမှာ အကြွင်းမဲ့ယုံကြည်လက်ခံသွားခဲ့တဲ့ အတွက်
ကျွန်မ နှစ်ချင်းမင်္ဂလာခံယူဖို့ဆုံးဖြတ်ခဲ့တယ်။ ဒါပေမယ့် နှစ်ခြင်းခံရက် နီးလာလေလေ ကျွန်မဖက်က ဆွဲလေပါပဲ။ လုံးဝခေါင်းထဲမှာ မကြည်တော့တဲ့အပြင် စိတ်ထဲမှာလည်းဘယ်လိုမှ မရှင်းတော့ဖူး။ ကျွန်မဘုရားသခင်ဆီမှာ ဆုတောင်းတယ်။

“ဘုရားသခင် သမီးရဲ့ စိတ်ထဲ၊ အတွေးထဲမှာ အရမ်းကိုရှုပ်ထွေးနေတယ်။ ဒါကို ရှင်းထုတ်ပေးပါ။ Born Again မှာသမီးဘာအနှောင်အဖွဲ့အရှုပ်အထွေးမှမရှိပဲ ဘဝအသစ်ကိုသွားချင်တယ်။” ဆိုပြီးဘုရားသခင်ထံမှာနေ့တိုင်းဆုတောင်း ခဲ့တယ်။

ကျွန်မတို့ဟာခရစ်တော်ဆိုတဲ့လမ်းကြောင်းပေါ်မှာသမ္မာတရားဆိုတဲ့Bibleကိုလက်ကိုင်စွဲပြီး မြဲမြဲ မြံမြံနှင့်မယိုင်မလဲလျှောက်သွားမယ်ဆိုရင် ထာဝရအသက်ကို
မပိုင်ဆိုင်နိုင်စရာအကြောင်းမရှိဘူးဆိုတာ ခရစ်တော်ကိုတိုင် အာမခံချက်ပေးသွားပါတယ်။

အဲ့ဒီ့အတွက်ကြောင့် ကျွန်မအရင်ကသိခဲ့ရတဲ့ဘုရားသခင်နဲ့ ယခုသိမြင်ကြုံတွေ့နေရတဲ့ဘုရားသခင်ဟာ လုံးလုံးကို ကွဲပြားနေခဲ့တယ်။ အရင်ကကျွန်မအ
ရမ်းကြောက်ခဲ့ရတဲ့ဘုရားသခင်ဟာ ယခုကျွန်မအရမ်းကိုချစ်နေရပြီ။ သူကလည်းကျွန်မကိုအရမ်းပဲချစ်တယ်။ သူ့ရဲ့ သန့်ရှင်းသောဝိညာဉ်တော်ဟာ ကျွန်မရဲ့
နံဘေးနားမှာ အမြဲတမ်းလိုက်ပါစောင့်ရှောက်ခဲ့တယ်။

ကျွန်မတို့ရဲ့ ပင်ကိုယ်ဝိညာဉ်အခံက ရှင်းနေဖို့ပဲလိုပါတယ်။ ဘုရားသခင်ကို ဆက်သွယ်ဆည်းကပ်ဖို့အတွက် အချိန်နာရီတွေ၊ အရပ်မျက်နှာတွေမလိုပါဘူး။ ကျွန်မတို့ရောက်ရှိနေတဲ့နေရာ၊ ရှိနေတဲ့အချိန်လေးမှာ အပြစ်တွေကိုဝန်ချတောင်းပန်ပြီး ရှိနေတဲ့အခြေအနေနဲ့ သူ့ဆီလှည့်လာခဲ့ပါ။ သူဟာအမြဲတမ်းနွေးထွေးစွာ ကြိုဆိုနေတဲ့ကျွန်မတို့ရဲ့ အဖခမည်းတော်ပါ။ ကျွန်မ ညီအစ်ကို၊ မောင်နှစ်မအယောက်ဆီတိုင်းကို တိုက်တွန်းချင်တာက ခရစ်တော်မည်သူမှန်းမသိသေးဖူးဆိုရင်
လည်း သံသယကင်းစွာမြည်းစမ်းကြည့်ပါ။ သူကိုယ်တိုင် ကျွန်မတို့ကို ဆွဲခေါ်သွားပါလိမ့်မယ်။ ခရစ်တော်တွေကို သိရှိပြီးသားလူတွေလည်း ဝိညာဉ်အခံမှာရှိနေတဲ့ အနှောင်အဖွဲ့တွေ၊ သံသယတွေကို ရှင်းထုတ်လိုက်ပါ။ ဘုရားသခင်ရဲ့ သန့်ရှင်းသောဝိညာဉ်တော်က တိုးဝင်လာပြီး အလုပ်လုပ်ပါလိမ့်မယ်။ ထိုအခါမှာ

ကျွန်မတို့ရဲ့စိတ်တွေထဲမှာ မဖော်ပြနိုင်လောက်တဲ့ ငြိမ်းချမ်းမှု၊ ငြိမ်သက်မှုတွေခံစားရပါလိမ့်မယ်။